Şeytan qadınlar

Özəl məktəbin direktoru Mişel Delasal ətrafındakı hər kəsə zülm edən amansız biridir. Məktəbin əsl sahibi olan həyat yoldaşı Kristina və kişinin məşuqəsi Nikol bu zülmdən ən çox əziyyət çəkən insanlardır. Boşanmaq istəyən arvadını ölümlə hədələyən Mişel hər iki qadının səbr kasasını daşırır. Nəticədə keçmiş rəqiblər birləşərək zülmkarı suda boğub öldürmək qərarına gəlirlər.

Onların planı cəsəddən gizlicə qurtulmaq və polisə yoxa çıxma barədə xəbər vermək idi. Lakin gözlənilmədən cəsəd yoxa çıxır və Kristina qorxulu görüntülər görməyə başlayır. Həmin ərəfədə təqaüddə olan keçmiş polis əməkdaşı Fişe itkin düşmüş direktorun izinə düşərək axtarışlara başlayır.

1954-cü ildə Fransada istehsal olunmuş «Les diaboliques» detektiv filminin rejissoru Anri-Jorj Kluzodur. Əsas rolları Simone Sinyore, Rober Dalban, Jorj Pujuli və Jan Lefevr canlandırıblar.