Welcome Home Baby

Berlində təcili yardım həkimi işləyən Yudit uşaq ikən onu tərk etmiş ailəsindən miras qaldığını öyrənir. Avstriyanın ucqar bölgəsində yerləşən bu evi satmaq üçün o, həyat yoldaşı Rayanla birlikdə həmin kəndə yollanır. Qadın sadəcə sənədləşmə işlərini bitirib tezliklə geri qayıtmaq niyyətindədir.

Lakin gənc cütlük orada qəribə xala Paula ilə rastlaşır. Qohumu hər vəchlə Yuditi kənddə saxlamağa və getməyə qoymamağa çalışır. Doğma torpaqda keçirdiyi vaxt qadının yaddaşındakı gizli xatirələri oyadır və onu mənşəyi ilə bağlı qorxulu sirlərin içinə çəkir.

«Welcome Home Baby» detektiv triller filmini rejissor Andreas Prohaska çəkib. Almaniya və Avstriyanın birgə istehsalı olan 2025-ci il ekran əsərində Reynu Şolten van Aşat, Beatriks Brunşko, Gerti Drassl və Mariya Hofştatter rol alıb.