Bıçaqlar çəkildi

Tanınmış detektiv yazıçısı Harlan Trombinin 85 illik yubileyindən dərhal sonra ev sahibi malikanəsində ölü tapılır. Hadisə ilk baxışdan intihara bənzəsə də, polis evdəki qohumları dindirməyə başlayır. Eyni zamanda naməlum şəxsdən nağd pul və bu işi araşdırmaq sifarişi alan xüsusi xəfiyyə Benua Blank da təhqiqata qoşulur.

Blank tezliklə anlayır ki, ailə üzvlərinin hamısı mərhumla münasibətlərini gizlədir və həqiqəti danışmır. Təhqiqatçının ən böyük köməkçisi isə yalan eşidəndə fiziki olaraq dözə bilməyən tibb bacısı olur. Şübhəli doğmaların hər birinin öz gizli maraqları və səbəbləri üzə çıxdıqca sirr pərdəsi aralanmağa başlayır.

2019-cu ildə ABŞ-da çəkilmiş «Knives Out» filmi eyniadlı franşizanın ilk layihəsidir. Ekran işinin rejissoru Rayan Consondur. Əsas obrazları Deniel Kreyq, Ana de Armas, Kris Evans və Ceymi Li Körtis canlandırıb.