Markiz adalarında qətl

Paris polisi Alba Debruker keçirdiyi ağır sarsıntıdan sonra xidmətinə fasilə vermək qərarına gəlir. O, dinclik tapmaq üçün dünyanın o biri başına, uzaq Markiz adalarına yollanır. Bu səfərin xoş bir səbəbi var: yaxın rəfiqəsi Heyani ərə getməyə hazırlaşır.

Lakin nikah günü səhər tezdən hər şey faciəyə çevrilir. Heyaninin meyiti sahildə, gəlinlik libasında tapılır. Tətil dərhal yarımçıq qalır və Alba yaxın adamının qətli ilə bağlı araşdırmanın içinə çəkilir.

Fransa və Belçika istehsalı olan «Meurtres aux Marquises» detektiv filmi 2025-ci ildə çəkilib. Ekran əsərinin rejissoru Fransua Veldir. Əsas rolları Vinsent Terorotua, Tensiya Manzanal, Fransuaza Ah-Şa və Heyiti Şanson canlandırıblar.