A Savannah Haunting

Ailə keçmişdə baş verənləri unudub hər şeyə yenidən başlamaq məqsədilə Yeni Orleana köçür. Lakin yeni evdə dinc həyat sürmək onlara qismət olmur. Qısa müddət sonra uşaqlar divarlarda sirli işarələr görməyə başlayır, evin zirzəmisində qəfil çatlar əmələ gəlir, ana Reyçeli isə həlak olmuş qızına bənzəyən qorxunc bir gəlincik izləyir.

Yaranan vəziyyət getdikcə daha da təhlükəli hal alır və bütün ailə üzvlərini qorxu içində saxlayır. Doğmalarını xilas etmək istəyən Reyçel bu evin inşa edildiyi yerin keçmişini araşdırmağa məcbur olur. O, ərazinin gizli və qorxunc tarixini üzə çıxarmaq üçün müxtəlif sirlərin izinə düşür.

ABŞ istehsalı olan «A Savannah Haunting» qorxu və detektiv filmi 2021-ci ildə ekranlara çıxıb. Ekran əsərinin rejissoru Vilyam Mark Makkallodur. Filmdə əsas obrazları Din Uest, Stefani Lask Donahyu, Mouses Cons və Brittni Level canlandırıb.