Daşdan gələn səs

Ötən əsrin əllinci illərində gənc tibb bacısı Verena Toskanadakı qədim malikanəyə gəlir. O, ağır psixoloji sarsıntı keçirmiş uşaqlarla dil tapmaq və onları normal həyata qaytarmaq bacarığı ilə tanınır. Evin sahibi Klaus ümid edir ki, dayə anasının vəfatından sonra aylardır tək kəlmə belə kəsməyən oğlu Ceykoba kömək edə biləcək.

Uşaqla ünsiyyət qurmağa çalışan Verena balaca Ceykobun anasının ruhu qayıdana qədər susmaq barədə söz verdiyini öyrənir. Qısa müddət sonra gənc qadın malikanə divarları arasında qəribə hadisələrlə üzləşir. O, dünyasını dəyişmiş qadının ruhunun onun bədənini ələ keçirmək istədiyindən şübhələnməyə başlayır.

«Daşdan gələn səs» (Voice from the Stone) dramatik triller filmi rejissor Erik D. Hauell tərəfindən ekranlaşdırılıb. ABŞ və İtaliyanın birgə istehsalı olan bu ekran əsəri 2016-cı ildə təqdim edilib. Əsas rolları Emiliya Klark, Marton Çokaş, Liza Qastoni və Antonella Britti canlandırıblar.