Ekzorsistin şagirdi

«The Seventh Day» filmi şeytançıxarma məktəbində təcrübəyə başlayan gənc keşişin hekayəsindən bəhs edir. O, ilk iş günündəcə olduqca mürəkkəb və təhlükəli bir cinvurma hadisəsi ilə üz-üzə qalır.

Təcrübəli ustadın rəhbərliyi altında fəaliyyət göstərən gənc din xadimi öz daxili qorxuları ilə mübarizə aparmağa məcbur olur. Eyni zamanda tərəfdaşlar yeni mütəxəssislərin hazırlanmasına baxmayaraq, cinvurma hallarının niyə epidemiya kimi sürətlə yayıldığını anlamağa çalışırlar.

ABŞ istehsalı olan qorxu və detektiv filmini rejissor Castin P. Lanj ərsəyə gətirib. 2020-ci il ekran əsərində baş rolları Vadhir Derbes, Meycor Doc, Mia Hollovey və Qari Li Rid ifa ediblər.