Tomie

Fotoqrafiya ilə maraqlanan tələbə Tsukiko sevgilisi ilə birlikdə kirayə mənzildə yaşayır. Keçmişdə baş verən hadisədən sonra yaddaşını itirən gənc qız yuxusuzluqdan əziyyət çəkir və buna görə də psixoloqun yanında hipnoz seansları keçir.

Bir gün onların alt mərtəbəsində qəribə bir qonşu məskunlaşır. Həmin şəxs qutuda gətirdiyi qadın başından bütöv bir bədən yetişdirməyə çalışır. Eyni zamanda polis cinayət yerindən cəsədi yoxa çıxmış müəmmalı bir qətlin araşdırmasını aparır.

«Tomie» adlı Yaponiya istehsalı olan qorxu və detektiv filmi 1998-ci ildə ekranlara çıxıb. Ekran əsərinin rejissoru Ataru Oikavadır, baş rolları isə Miho Kanno, Yoichi Nukumizu, Tomorowo Taguchi və Yoriko Doguchi canlandırıb.