Kuru

Gənc ər-arvad Hideki və Kana tezliklə valideyn olmağa hazırlaşaraq yeni mənzilə köçürlər. Günlərin birində iş yoldaşı Hidekiyə naməlum bir şəxsdən qəribə xəbər çatdırır və həmin qeyddə Tisa adı çəkilir. Bu ad isə cütlüyün hələ doğulmamış körpələri üçün gizlicə seçdiyi və heç kəsə demədiyi addır.

Bir müddət sonra xəbəri gətirən həmkar müəmmalı bir xəstəlikdən əzab içində dünyasını dəyişir. Çox keçmədən gənc ailənin evinə qəddar və aqressiv bir varlıq dadanır. Yaxınlarını qorumağa çalışan ailə başçısı ekzorsistə üz tutur, lakin o biri dünyaya aid olan qüvvə ilə mübarizə aparmaq heç də asan olmur.

Yaponiya istehsalı olan «Kuru» qorxu və detektiv filmi 2018-ci ildə Tetsuya Nakashima tərəfindən çəkilib. Ekran əsərində əsas rolları Yu Takahashi, Haru Kuroki, Takako Matsu və Munetaka Aoki canlandırıblar.