Qatilin etirafı

1995-ci ildə gənc müstəntiq Ko Makimura üç nəfəri qətlə yetirən cinayətkarı yaxalamağa çalışarkən uğursuzluğa düçar olur. Həmin hadisə zamanı təcrübəli həmkarı həyatını itirir, qatil isə aradan çıxaraq uzun müddət gizlənməyi bacarır.

Hadisələrdən 22 il keçdikdən sonra məsuliyyətə cəlbetmə müddəti bitir və Masato Sonezaki adlı şəxs köhnə cinayətləri boynuna aldığı xatirə kitabını çap etdirir. Əsər tez bir zamanda ölkə daxilində məşhurlaşır və müəllif mətbuatın ulduzuna çevrilir, lakin müstəntiq Makimura mübarizəni dayandırmır.

«Qatilin etirafı» adlı Yaponiya istehsalı olan dram filmi 2017-ci ildə rejissor Yu Irie tərəfindən çəkilib. Ekran işində əsas rolları Anna Ishibashi, Toru Nakamura, Shuhei Nomura və Koichi Iwaki canlandırıb.