Təqib

Şimali Koreyadan qaçmış yaşlı Şim Dok-su indi Aridon məhəlləsində kirayə evlər işlədir. Qonşuları onu deyingən və sərt qoca kimi tanıyır, yalnız yerli yeməkxananın sahibəsi onun üzünü güldürə bilir. Çay sahilində sərxoş bir nəfərin meyiti tapıldıqdan, ardınca isə qoca kirayəçilərdən biri yatağında ölü aşkarlandıqdan sonra ətrafda təşviş başlayır. Polis bunları adi hadisə saysa da, Dok-sunun keçmiş detektiv olan kirayəçisi otuz il əvvəlki seriyalı qatilin geri qayıtdığını iddia edir.

Ev sahibi əvvəlcə bu şübhələrə inanmır, lakin növbəti səhər həmin keçmiş polisi qapı dəstəyindən asılmış vəziyyətdə tapır. Elə oradaca ölən detektivin illərdir həmin qatilin izinə düşmüş keçmiş həmkarı peyda olur. İki yaşlı adam sirli ölümlərin arxasında duran həqiqəti üzə çıxarmaq üçün məcburən birgə hərəkət etməli olur.

«Təqib» (Bandeusi jabneunda) filmi 2017-ci ildə Cənubi Koreyada ekranlaşdırılıb. Triller və detektiv janrında olan bu ekran əsərinin rejissoru Kim Hon-sondur, baş rolları isə Son Don-il, Con Son-il, O Çhi-un və Pak Son-hyon canlandırıblar.