Pandoranın qutusu

Camaşırxanada güllələnən orta yaşlı qadının qatili tapılmır və bu cinayət uzun müddət cavabsız qalır. Hadisədən yeddi il ötür. Qadının oğlu ilə yeznəsi bir araya gəlib spirtli içki arxasında keçmişi xatırlamağa, ananın ölümünə nəyin səbəb ola biləcəyini araşdırmağa başlayırlar.

Doğmalarının keçmişini addım-addım təhlil edən hər iki kişi heç gözləmədikləri qaranlıq məqamlarla üzləşirlər. Bu söhbət ailənin illərlə gizli qalmış, sarsıdıcı sirlərini gün işığına çıxarır.

«Pandoranın qutusu» («Opeun deo doeo») triller və detektiv janrında çəkilmiş Cənubi Koreya filmidir. 2022-ci ildə işıq üzü görən filmin rejissoru Can Han-cundur, əsas rolları isə So Yon-cu, Kim Su-cin, Li Sun-von və Deniel Coy Olbrayt canlandırıblar.