Ofis

Böyük bir şirkətin əməkdaşı Kim Byon-quk ailə üzvlərini çəkiclə qətlə yetirdikdən sonra yoxa çıxır. Hadisə yerinə gələn polis müfəttişi Çon-hun qatili tapmaq üçün onun iş yoldaşlarını dindirməyə başlayır. Lakin həmkarları suallara olduqca qeyri-müəyyən və şübhəli cavablar verirlər.

İstintaq zamanı müfəttişin diqqətini nəsə gizlətdiyi hiss olunan təcrübəçi Mi-re cəlb edir. Çox keçmədən təhlükəsizlik kameralarını araşdıran polis dəhşətli bir faktı üzə çıxarır: cinayəti törədən Kim Byon-quk dərhal sonra şirkətin ofis binasına daxil olub.

2015-ci il istehsalı olan bu Cənubi Koreya trillerini rejissor Hon Von-çhan ərsəyə gətirib. «Ofis» filmində əsas rolları Ko A-son, Pak Son-un, O De-hvan və Li Çhe-ın canlandırırlar.