Pişik: Ölümü Görən İki Göz

So-yon heyvanlara qulluq mərkəzində çalışır və hər gün müxtəlif ev heyvanlarının qayğısına qalır. Günlərin birində onun müştərilərindən biri liftdə qəfil vəfat edir. Hadisənin yeganə canlı şahidi isə həmin şəxsin Pidan adlı pişiyi olur.

Polis müəmmalı ölüm faktı ilə bağlı araşdırmaya başlayır və So-yondan pişiyi müvəqqəti olaraq öz evinə götürməsini xahiş edir. Qız bu təkliflə razılaşır. Lakin Pidanın gəlişi ilə birlikdə mənzildə qəribə hadisələr cərəyan etməyə başlayır və So-yonu ardı-arası kəsilməyən kabuslar narahat edir.

«Pişik: Ölümü Görən İki Göz» filmi 2011-ci ildə Cənubi Koreyada rejissor Byon Sın-uk tərəfindən çəkilib. Dedektiv, dram və qorxu janrlarını birləşdirən lentin əsas rollarında Kim Min-ce, Park Min-yon, Kim Ye-ron və Qan Gi-dun yer alıb.