Qanlı yağış

Hadisələr XIX əsrdə cərəyan edir. Kral müstəntiqləri qiymətli kağız yükünü məhv edən müəmmalı yanğını araşdırmaq üçün uzaq bir adaya yollanırlar. Lakin yerli əhalinin arasına qarışdıqdan sonra məlum olur ki, adada vaxtilə katolisizmdə ittiham olunaraq edam edilmiş bir ailənin lənəti dolaşır.

Ölümündən əvvəl ailə başçısı kənd sakinlərini lənətləyərək onu hakimiyyətə satanların hər biri üçün xüsusi və dəhşətli aqibət vəd etmişdi. Çox keçmədən qətllər zənciri başlayır. Araşdırmaçı yalnız yanğının səbəblərini üzə çıxarmaqla kifayətlənməməli, həm də insanları ard-arda kimin öldürdüyünü müəyyənləşdirməlidir.

«Qanlı yağış» (Hyeolui nu) triller filmi 2005-ci ildə Cənubi Koreyada istehsal olunub. Rejissor Kim De-sının ərsəyə gətirdiyi ekran əsərində baş rolları Kim Van-qın, Hvan Çhun-ha, Lim Con-yun və Sol Ci-yun canlandırıblar.