Qapı kilidi

Bank əməkdaşı Kyon-min çoxmərtəbəli binadakı mənzilində təkbaşına məskunlaşıb. Hər səhər başgicəllənməsi ilə oyanan gənc qadın bir müddət sonra qapı kilidinin kimsə tərəfindən açılmağa cəhd edildiyindən şübhələnir. O, kömək üçün polisə müraciət etsə də, asayiş keşikçiləri bu narahatlığı əsassız sayaraq heç bir təhlükə görmürlər.

Çox keçmədən Kyon-minin iş yerində də xoşagəlməz hadisə yaşanır. Banka gələn müştərilərdən biri təkidlə onu qəhvə içməyə dəvət edir, rədd cavabı aldıqda isə aqressiv davranmağa başlayır. Hadisələr gərginləşdikcə qəhrəmanın gündəlik həyatı ciddi bir təqib təhlükəsi ilə üz-üzə qalır.

Cənubi Koreya istehsalı olan «Qapı kilidi» (Doeorak) kriminal trilleri 2018-ci ildə ekranlara çıxıb. Filmin rejissoru Li Qvon, baş rol ifaçıları isə Ko Eun-yon, Kim Qvan-qyu, Li Con-qu və Li San-hidir.