Romadan olan adam

Vatikanın kompüter sisteminə naməlum haker müdaxilə edərək Roma Papasının şəxsi kompüterinə gizli ismarıc ötürür. Mesaj Sevilyada yerləşən qədim kilsədə baş verən müəmmalı hadisələrdən bəhs edir. Hadisəni ictimaiyyətə bildirmədən aydınlaşdırmaq üçün kilsə rəhbərliyi ata Kvartı gizli təhqiqat aparmağa göndərir.

İspaniyaya yollanan keşiş qədim məbədin illərdir gizlətdiyi sirlərlə üz-üzə qalır. «The Man from Rome» filmi həqiqəti üzə çıxarmağa çalışan ata Kvartın atdığı addımları və keçmişin qaranlıq məqamlarını izləyir.

2022-ci il istehsalı olan bu detektiv triller rejissor Sercio Dau tərəfindən lentə alınıb. ABŞ, İspaniya, İtaliya və Kolumbiyanın birgə istehsalı olan layihədə baş rolları Piter Vayvz Nyui, Uill Kin, İolanda Font və Roberto Posse canlandırır.