Cut

Kino məktəbinin tələbələri illər əvvəl rejissorun vəhşicəsinə qətlə yetirilməsi səbəbindən yarımçıq qalmış qorxu filmini tamamlamaq qərarına gəlirlər. Həmin lentin hətta sadəcə nümayişinin belə faciələrə yol açdığı barədə xəbərdarlıqlara məhəl qoymayan gənclər çəkilişlərə start verirlər.

İş prosesi başlayan andan etibarən komandanın üzərini qaranlıq ab-hava bürüyür. Aktyorlar və çəkiliş heyəti ard-arda naməlum qüvvələrin qurbanına çevrilir, baş verən hadisələrin gerçəklik və ya ssenarinin bir hissəsi olduğunu ayırd etmək getdikcə çətinləşir.

Avstraliya istehsalı olan «Cut» filmi dəhşət, triller, komediya və detektiv janrlarını özündə birləşdirir. 2000-ci il ekran işinin rejissoru Kimbl Rendalldır, əsas rolları isə Molli Rinqvald, Kayli Minouq, Pamela Şou və Frenk Roberts canlandırıblar.