Qışqırıq

Texasdakı Rio Qrande çayı boyunca qayıqlarla səyahətə çıxan bir qrup insan gecələmək üçün kimsəsiz bir qəsəbədə lövbər salır. Ətrafda heç bir sakinin görünməməsi onların diqqətini çəkir və şübhə yaradır. Buna baxmayaraq, səyyahlar gecəni həmin tərk edilmiş məkanda keçirmək qərarına gəlirlər.

Qaranlıq düşdükdən sonra qəsəbədə ilk meyitlər tapılır. Təlaş içində qalan qəhrəmanlar oradan dərhal uzaqlaşmaq istəsələr də, bu mümkün olmur. Onların bütün qayıqları naməlum şəkildə sıradan çıxarılıb və geri qayıtmaq yolu kəsilib.

1981-ci il istehsalı olan «Qışqırıq» (Scream) qorxu və detektiv filmi ABŞ-da lentə alınıb. Layihənin rejissoru Bayron Kvizenberridir. Əsas rolları Henk Uorden, Elvi Mur, Pepper Martin və Di Kuper canlandırıblar.