Məzuniyyət günü

Velosiped yarışının dərhal ardından idmançı Laura Ramsted qaranlıq şəraitdə həyatını itirir. Hadisədən bir ay ötsə də, dostu Kevin bu ölümün sadəcə bədbəxt hadisə olduğuna inanmır. Məzuniyyət ərəfəsində Lauranın bacısı Enn xatirə mükafatını təhvil almaq üçün kollecə gəlir və Kevinin onu addım-addım izlədiyini sezir.

Çox keçmədən meşəlik ərazidə başqa bir tələbə qızın meyiti tapılır. Bu cinayət sirli qətllər silsiləsinin başlanğıcı olur. Qəribədir ki, hədəfə çevrilən və həyatını itirən şəxslərin hamısı kollecin idman komandasının üzvləridir.

1981-ci il istehsalı olan ABŞ trilleri və qorxu filmi «Graduation Day» rejissor Herb Frid tərəfindən çəkilib. Filmin əsas rollarını Vanna Uayt, Fred Beshid, Hel Bokar və Patç MakKenzi canlandırıblar.