Qaranlıq qüllə

Qadın memarın layihəsi üzrə ucaldılmış müasir göydələn qısa müddətdə polisin və parapsixoloqların diqqət mərkəzinə çevrilir. Hələ tikintinin başlanğıcında memarın həyat yoldaşı müəmmalı şəkildə həlak olmuş və cəsədi tapılmamışdı. Çox keçmədən bu hündürmərtəbəli bina çoxsaylı insan itkisi səbəbindən uğursuz bir məkana çevrilir.

Binada cəmi ay yarım ərzində qorxulu hadisələr bir-birini izləyir. İyirmi doqquzuncu mərtəbədən şüşə silən fəhlə yıxılaraq can verir, gecə növbəsindəki mühafizəçi isə tam saz vəziyyətdə olan liftdə həyatını itirir. Həmin ərəfədə başqa bir polis əməkdaşı iş gününün sonunda binanı tərk edən insanlara qəfil atəş açmağa başlayır. Hadisələri araşdıran mütəxəssislər baş verən qəribə ölümlərin səbəbini tapmağa çalışırlar.

1987-ci ildə çəkilmiş «Dark Tower» filminin rejissoru Freddi Frensisdir. ABŞ, İspaniya və Böyük Britaniyanın birgə istehsalı olan bu qorxu və detektiv trillerində əsas rolları Paç MakKenzi, Enn Lokhart, Jordi Batalla və Ramiro Oliveros canlandırıblar.