Gecə qatili

Xoreoqrafın ciddi nəzarəti altında teatr səhnəsində rəqqasələrin növbəti məşqi keçirilir. Həmin vaxt qrupa gecikən Elizabet rəhbərindən sərt danlaq eşidərək soyunub-giyinmə otağına yollanır. Qız orada rezin kostyum geyinmiş və iri caynaqları olan maskalı qatilin gizləndiyindən tamamilə xəbərsizdir.

Elizabetin xeyli müddət geri qayıtmadığını görən xoreoqraf onu axtarmaq üçün otağa daxil olur və şagirdinin qətlə yetirilmiş cəsədini aşkar edir. Lakin dəhşət bununla bitmir, çünki qaniçən cani hələ də yaxınlıqdadır və növbəti qurbanını pusur.

«Gecə qatili» (Non aprite quella porta 3) adlı İtaliya istehsalı dəhşət filmi 1990-cı ildə rejissorlar Bruno Mattei və Klaudio Fraqasso tərəfindən lentə alınıb. Triller janrında olan ekran əsərinin baş rollarında Tara Bukman, Li Livli ilə yanaşı rejissorların özləri də çəkiliblər.