Şizoid

Jurnalist Culi naməlum şəxsdən ölümlə hədələnən məktublar almağa başlayır. Eyni zamanda onun da qatıldığı qrup terapiyasının üzvü olan qadınlar bir-bir qətlə yetirilir. Ətrafındakılar Culini inandırmağa çalışırlar ki, bu cinayətlərin onunla heç bir əlaqəsi yoxdur və məktublar sadəcə zarafatdır.

Lakin Culi deyilənlərə inanmır və hər kəsə şübhə ilə yanaşır. Şübhəlilər siyahısında öldürülən qadınlarla yaxınlıq etmiş psixoloq Piter, atasının Culi ilə münasibətini öyrənən qızı Elison və boşanmaq istəməyən keçmiş əri Daq da var. Təhlükə artdıqca qadın öz yaxınlarının hər addımını izləməyə məcbur olur.

«Şizoid» detektiv triller filmi Devid Polsen tərəfindən çəkilib. ABŞ və İsrail istehsalı olan bu ekran əsəri 1980-ci ildə nümayiş etdirilib. Əsas rollarda Con Qrin, Kreyq Uosson, Frensis E. Nili və Sindi Riqel çəkiliblər.