Daxmadakı qız

Ava Robbins adlı gənc qız furqonunda səyahət edərək yollardakı macəralarından şəxsi bloqunda bəhs edir. Sakit bir qəsəbədən keçərkən qəflətən qarşısına çıxan maralı vurur və qəzaya düşür. Həkimin bir neçə ay dincəlmək tövsiyəsinə qulaq asan səyyah, əyalətin sakitliyinə uyğunlaşıb yaxınlıqdakı meşənin dərinliyində tənha bir ev satın alır.

Yeni mənzilində yerləşən Ava tezliklə daxmanın keçmiş sahibi Hanna Qreyncerin iyirmi il əvvəl şübhəli şəraitdə intihar etdiyini öyrənir. Keçmişin bu qaranlıq sirrini aydınlaşdırmaq istəyən qız yerli sakinlərlə ünsiyyət quraraq öz şəxsi təhqiqatına başlayır.

«Cabin Girl» filmi dram, triller və qorxu elementlərini özündə birləşdirən ABŞ istehsalı ekran əsəridir. 2023-cü ildə təqdim olunan layihənin rejissoru Con D. Vaqnerdir. Əsas rolları Veronica Walsh, Hannah Rose, Sara Wagner və John Buttelwerth canlandırıblar.