Szürkület

Meşəlik ərazidə ülgüclə qətlə yetirilmiş səkkizyaşlı bir qızın meyiti aşkar edilir. Əsas şübhələr dərhal yetkinlik yaşına çatmayanları yoldan çıxarmaqda əvvəllər məhkum olunmuş səyyar satıcının üzərinə yönəlir. Lakin dəlillərə baxmayaraq, saxlanılan şəxs günahını boynuna almır və intihar edərək həyatına son qoyur.

İstintaqçılardan biri satıcının qatil olduğuna inanmır və işi bu şəkildə bağlamaqdan imtina edir. Həqiqi cinayətkarı tapmaq məqsədilə o, araşdırmanı təkbaşına davam etdirməyə qərar verir. Müstəntiq izinə düşdüyü qorxunc sirri açmaq üçün addım-addım irəliləyir.

1990-cı ildə Macarıstanda çəkilmiş «Szürkület» detektiv dramının rejissoru Dyörd Fexerdir. Ekran əsərində baş rolları Pal Hetenyi, İştvan Foqaraşi, Jujanna Erdöşi və Yojef Peto canlandırıb.