i-Lived

Coş bloq vasitəsilə smartfon proqramlarını nəzərdən keçirərək pul qazanır. Bir gün ona sınaq üçün yeni bir tətbiq təklif olunur. Bu sistem real həyatda müxtəlif tapşırıqları yerinə yetirməyi tələb edir və bunun müqabilində istifadəçiyə xallar qazandırır. Gənc oğlan sağlam qidalanma, nəzakət və dözümlülüklə bağlı tələbləri ardıcıl şəkildə icra edir.

Çox keçmədən Coşun həyatında müsbət dəyişikliklər baş verir. O, gəlirli iş tapır, poker masasında qələbə qazanır, xəstə anası sağalmağa başlayır və həmişə arzuladığı qızla münasibət qurur. Sevincindən bu proqramı yaxınlarına da məsləhət görür. Lakin tezliklə tapşırıqlar qəddarlaşıb birini vurmaq və ya pul oğurlamaq kimi tələblərə çevrilir və Coş bu oyundan asanlıqla çıxa bilmir.

ABŞ istehsalı olan «i-Lived» filmi triller, dəhşət və detektiv janrlarını birləşdirir. 2015-ci ildə işıq üzü görən ekran əsərinin rejissoru Frank Xalfundur. Əsas rollarda Şennon Kollis, Maya Miletiç, Sara Pauer və Ron Reznik çəkiliblər.