Çarpaz atəş altında

Cənubi Texasda yerləşən tərk edilmiş bir fermada radikal dini cərəyanın üzvləri məskunlaşır. Yaxınlaşan qiyamət barədə vəzlər deyən yerli lider ətraf ərazilərdən xeyli sayda insanı öz ətrafına toplayır. Bu qruplaşma yaxşı silahlanır, hərbi təlimlər keçir və hər an atışmaya girməyə hazır vəziyyətə gəlir.

Faciənin qarşısını almaq üçün polis, FTB və Texas reyncerlərinin birgə dəstəsi əraziyə göndərilir. Onların məqsədi fermadakıları tərk-silah etmək və təriqət rəhbərini həbs etməkdir. Lakin əməliyyat başlayan kimi hüquq-mühafizə orqanları qəfil atəşlə qarşılaşır və hadisələr qanlı qarşıdurmaya çevrilir.

"Standoff" filmi 1998-ci ildə ABŞ-da triller və detektiv janrlarında çəkilib. Ekran əsərinin rejissoru Endrü Çepmandır, əsas rolları isə Kit Kerradin, Nataşa Henstric, Trişa Vessi və Canet İleyn canlandırıblar.