Ölüm gəmisi

Nəhəng bir gəmi sərnişin gəmisi ilə toqquşaraq onu dənizin dibinə göndərir. Qəzadan sağ çıxan azsaylı insanlar xilas olmaq üçün həmin yük gəmisinə sığınmaq qərarına gəlirlər. Göyərtəyə qalxan sərnişinlər ətrafda bir nəfər də olsun dənizçi tapmırlar.

Çox keçmədən məlum olur ki, gəminin bütün mexanizmləri və sistemləri heç bir insan müdaxiləsi olmadan öz-özünə işləyir. Nələr baş verdiyini anlamağa çalışan qrup tədricən dəhşətli həqiqətlə üzləşir: onlar illər əvvəl tərk edilmiş nasist gəmisindədirlər.

1980-ci ildə ekranlara çıxan «Death Ship» filmi Böyük Britaniya və Kanada istehsalıdır. Triller, qorxu, detektiv və macəra janrlarını birləşdirən ekran əsərinin rejissoru Alvin Rakoffdur. Əsas rolları Entoni Şervud, Viktoriya Bərqoyn, Keyt Rid və Mürrey Kraçli canlandırıblar.