Psixo

Marion Kreyn müdirinə məxsus külli miqdarda pulu oğurlayaraq dərhal qaçmağa qərar verir. Şəhərdən uzaqlaşan qadın gecə vaxtı kimsəsiz bir şosedə tək qalır. İzlənməkdən ehtiyat edən Marion gizlənmək üçün yol kənarındakı sakit bir məkana üz tutur.

Yorğun halda rast gəldiyi moteldə gecələmək istəyən qadın burada otaq kirayələyir. Bu məkana qəribə davranışları ilə seçilən Norman Beyts və onun anası rəhbərlik edir. Sakit görünən bu gecələmə məntəqəsində qalan qonaq mülk sahiblərinin sirli həyatı ilə üz-üzə gəlir.

1998-ci ildə ABŞ-da istehsal olunmuş «Psixo» filmi eyniadlı franşizaya daxildir. Qorxu və triller janrında çəkilmiş ekran əsərinin rejissoru Qas Van Sentdir. Əsas rolları Enn Heç, Viqqo Mortensen, Vilyam H. Meysi və Rita Vilson canlandırıblar.