Detektiv Kien: Başsız Dəhşət

Hadisələr XIX əsrdə, Nquyen sülaləsinin hakimiyyəti dövründə Vyetnamda cərəyan edir. Göl kənarında yerləşən ucqar bir kənddə başı kəsilmiş meyitlərin tapılması sakinləri qorxuya salır və hamı bunu qisasçı su ruhu ilə əlaqələndirir. Bir neçə il sonra Nqa adlı gənc qız da müəmmalı şəkildə yoxa çıxır və yerli camaat bunu növbəti lənət sayır.

Qızın xalası mistik şayiələrə inanmır və qohumunun taleyini aydınlaşdırmaq istəyir. İtkin düşən qızı axtarmaq və kənddəki sirli ölümlərin səbəbini aşkar etmək məqsədilə xüsusi araşdırmaçı — detektiv Kien kəndə dəvət olunur. O, sakinlər arasında gəzən qorxunc əfsanələrin arxasındakı həqiqəti tapmalıdır.

Detektiv və qorxu janrlarını birləşdirən «Thám tử Kiên: Kỳ án không đầu» filmi 2025-ci ildə Vyetnamda istehsal olunub. Ekran əsərinin quruluşçu rejissoru Viktor Vu, baş rol ifaçıları isə Quoc Huy, Doan Minh Anh, Nqok Dip və Uyen Midir.