The Prowler

1945-ci ildə İkinci Dünya müharibəsi başa çatdıqdan sonra əsgərlər Kaliforniyanın kiçik bir qəsəbəsinə qayıdırlar. Cəbhədə xidmət edən gənclərdən birinin sevgilisi o uzaqda olarkən ondan ayrılıb. Məzuniyyət gecəsindən sonra hərbi geyimli naməlum bir şəxs qıza və onun yeni sevgilisinə yaba ilə hücum edir, öldürdüyü qızın əlinə isə qırmızı qızılgül qoyur.

Bu qanlı hadisədən otuz beş il ötür və qəsəbədə ilk dəfə olaraq yenidən məzuniyyət balı təşkil etmək qərarına gəlirlər. Həmin müəmmalı qatil yenidən peyda olur və bu dəfə də bir-birini sevən gəncləri hədəf seçir.

ABŞ istehsalı olan «The Prowler» qorxu filmi 1981-ci ildə rejissor Cozef Zito tərəfindən çəkilib. Baş rolları Daq Stivenson, Tom Brey, Den Lounsberi və Conatan Saçar canlandırıblar.