Uilt

İnşaat meydançasında çalışan fəhlə bünövrəyə beton tökərkən çuxurun dibində qadın bədəninə bənzər bir qaraltı görür, lakin qatı məhlul dərhal hər şeyi örtür. Hadisə yerinə gələn polis müfəttişi araşdırmaya başlayır və şübhələri yerli kollecdə psixologiya dərsi deyən müəllimin üzərində cəmləşdirir. Müfəttişin fikrincə, bu adamın öz həyat yoldaşını aradan götürməsi üçün kifayət qədər tutarlı səbəbi var idi.

İstintaq irəlilədikcə və birbaşa sübutlar tapılmadıqca xəfiyyənin inadkarlığı daha da artır. O, adi bir pedaqoqu qəzetlərin manşetlərindən düşməyən qorxunc «London Boğucusu» ilə əlaqələndirməyə çalışır və hər bir xırdalıqda cinayətkarın izini axtarır.

1989-cu ildə ekranlara çıxan «Wilt» filmi Böyük Britaniya istehsalı olan kriminal komediyadır. Rejissoru Maykl Taçner olan ekran əsərində əsas rolları İmodjen Kler, Culiya Makkarti, Toni Metyus və Devid Kvilter ifa ediblər.