Gecədəki uşaq

Doqquzyaşlı Lyuk kater istehsalı ilə məşğul olan atasının qətlə yetirilməsinə şahidlik edir. Ağır psixoloji sarsıntı keçirən uşaq polisə dəqiq ifadə verə bilmir. Hipnoz seansları da kömək etmir, çünki qorxu içində olan azyaşlının təxəyyülündə qatil «Piter Pen» nağılındakı Kapitan Quk cildində canlanır.

İstintaqı aparan müstəntiq ilə uşağa kömək edən psixiatr arasında sevgi münasibəti yaranır, lakin birgə səylər uzun müddət nəticəsiz qalır. Yalnız şəhərdə yeni qanlı cinayətlər törədildikdən sonra oğlan həmin gecə əslində nə gördüyünü xatırlayır.

«Child in the Night» filmi 1990-cı ildə rejissor Mayk Roub tərəfindən ekranlaşdırılıb. ABŞ və İtaliya istehsalı olan bu dramatik trillerdə rolları Mayk Pnevski, D. Notts, Laura Langwell və Don Hohenstein canlandırıblar.