İçəridən

Dindar sakinlərin yaşadığı kiçik bir qəsəbədə gözlənilmədən müəmmalı intiharlar dalğası başlayır. Baş verənlər qəribə bir lənəti və ya virusu xatırladır, çünki hər növbəti qurban öz həyatına qəsd etməzdən əvvəl əvvəlki ölənin cəsədi ilə təmasda olub. İcmanın qəzəbi tezliklə ilk ölən gəncin qardaşı Eydenə yönəlir, hansı ki, onun ailəsi onsuz da yerli camaat arasında pis ad çıxarıb.

Kütlənin döydüyü Eydenə təkcə Lindsi adlı gənc qız arxa durur. Onu sağalmaq üçün öz evinə gətirən Lindsi bütün qəsəbə sakinlərini özünə qarşı qoyur. Aralarında yaxınlıq yaranan Eydenin keçmişindəki qaranlıq məqamları anlamağa çalışan Lindsi bu dəhşətli zəncirin arxasındakı həqiqəti tapmağa məcbur olur.

ABŞ istehsalı olan «From Within» qorxu və detektiv filmi 2008-ci ildə ekranlara çıxıb. Ekran əsərinin rejissoru Fidon Papamaykldır, əsas rolları isə Cemi Link O’Brayen, Pol Farenkopf, Keytlin Qold və Kendes Hammer canlandırıblar.