Ölü beyin

Gənc neyrocərrah Reks Martin yoldaşı Cim Restonun təklifi ilə qapalı psixiatriya xəstəxanasında yatan riyaziyyatçı Holsinin beynində eksperimental əməliyyat aparır. Həkim bu müdaxilə vasitəsilə paranoya ilə bağlı elmi nəzəriyyələrini sınaqdan keçirməyi planlaşdırır.

Əslində isə Restonun tamamilə başqa bir məqsədi var. O, yalnız bu xəstə alimin bildiyi mühüm düsturu ələ keçirmək istəyir. Martin isə getdikcə xəstənin beynindəki qarabasmalar, fobiyalar və sayıqlamalar aləminə daha dərindən nüfuz edir.

1990-cı ildə ABŞ-da lentə alınmış «Brain Dead» filmi elmi-fantastika və triller janrlarını birləşdirir. Ekran əsərinin quruluşçu rejissoru Adam Saymondur. Əsas rolları Con Pekston, Liza Monkyur, Devid Sinayko və Din Robinson canlandırıblar.