Sakit Yer kürəsi

Zak Hobson üçün adi bir səhər qəribə bir reallıqla başlayır: planetdə bütün insanlar yoxa çıxıb və o, Yer üzündə tək qalıb. Ətrafdakı bütün şəhər onun ixtiyarındadır. Zak istədiyi evi seçə, bəyəndiyi istənilən avtomobili maneəsiz idarə edə bilər.

Lakin sonsuz sərbəstlik tezliklə ağır bir sınağa çevrilir. Danışmağa bircə nəfərin belə tapılmaması Zakın psixologiyasına mənfi təsir göstərir. Mütləq tənhalıq onun düşüncələrini darmadağın edir və qəhrəman ağlını itirmək həddinə çatır.

1985-ci ildə Yeni Zelandiyada istehsal olunmuş «The Quiet Earth» elmi-fantastik dram filminin rejissoru Ceff Mörfidir. Əsas obrazları Bruno Lourens, Elison Rutlec, Anzak Uolles və Norman Fletçer canlandırıblar.