Smillanın qar hissi

Qonşuluqda yaşayan balaca oğlanın faciəvi ölümü Smilla Yaspersonda böyük şübhələr yaradır. Baş verənlərin sadəcə bədbəxt hadisə olduğuna inanmayan qadın məsələni özü araşdırmağa qərar verir.

Daxili duyumuna arxalanan qəhrəman addım-addım düzgün izlə irəliləyir və qarşı tərəfi narahat etməyə başlayır. Təqib obyektinə çevrilməsinə baxmayaraq, Smilla inadından dönmür və qatillərin insan həyatına belə asanlıqla qəsd etməsinə səbəb olan həqiqəti üzə çıxarır.

«Smilla's Sense of Snow» filmi 1996-cı ildə rejissor Bille Auqust tərəfindən ekranlaşdırılıb. Almaniya, Danimarka və İsveçin birgə istehsalı olan bu trillerdə əsas rolları Riçard Harris, Devid Heyman, Robert Lodja və Şarlotta Bredli canlandırıb.