Body Double

Vampir filmlərində ikinci dərəcəli obrazlar yaradan Ceyk sevgilisinin xəyanətindən sonra evi tərk edir. Tanışı ona bir müddət şəhərdə olmayacağını bildirərək dəbdəbəli malikanəsinə nəzarət etməyi tapşırır. Həmçinin qonşuluqdakı mənzildə yaşayan qadının hər axşam pəncərə qarşısında soyunması barədə ona sirr açır.

Bu mənzərəni izləyən Ceyk həmin qadınla tanış olmaq qərarına gəlir və onların görüşü gözlənilməz şəraitdə baş tutur. Çox keçmədən Ceyk qonşusunun amansızcasına qətlə yetirilməsinə şahid olur. Lakin qısa müddət sonra həmin pəncərənin önündə eyni hərəkətləri təkrar edən başqa bir qadın peyda olur.

ABŞ istehsalı olan «Body Double» detektiv trillerinin rejissoru Brayan De Palmadır. 1984-cü ildə nümayiş olunan filmdə Dennis S. Elpert, Çak Uoters, Rebekka Stenli və B.C. Cons çəkiliblər.