Nirvana

2005-ci ilin Milad bayramı ərəfəsində «Okosama Starr» korporasiyası genişmiqyaslı virtual reallıq layihəsini istifadəçilərə təqdim etməyə hazırlaşır. Hər şeyin mümkün olduğu «Nirvana» adlı bu yeni sistem gözlənilmədən xətalar verməyə başlayır. Proqramdakı nasazlıqlar virtual aləmə daxil olan insanların həm zehni vəziyyətinə, həm də fiziki sağlamlığına birbaşa təhlükə yaradır.

Sistemin yaradıcısı Cimi vəziyyətin ciddiliyini anlayır və hazırladığı oyunu birdəfəlik məhv etmək qərarına gəlir. Buraxılışa cəmi üç gün qalmış o, təhlükəli proqramı daxildən zərərsizləşdirmək üçün şəxsən virtual məkana daxil olur. Proqramçı öz yaratdığı dünyada təhlükəli bir yola çıxır.

Fransa və İtaliya istehsalı olan «Nirvana» elmi-fantastik dram filmi 1997-ci ildə ekranlara çıxıb. Rejissoru Qabriele Salvatorez olan ekran əsərində Antonio Katanya, Silvio Orlando, Stefaniya Rokka və Sercio Rubini çəkiliblər.