Harri Kramb kimdir?

Varlı sahibkar Pi Cey Dauninqin qızı qaçırılır. Kədərli ata kömək üçün «Kramb və Kramb» xəfiyyə bürosuna üz tutur. Şirkətin rəhbəri Eliot Drayzen bu işi olduqca yöndəmsiz və sadəlövh xəfiyyə Harri Kramba tapşırır. Rəis əmindir ki, Harri digər işlərdə olduğu kimi bu tapşırığın da öhdəsindən gələ bilməyəcək və elə ona da bu cür nəticə lazımdır.

Lakin Harri heç də təslim olmaq niyyətində deyil. O, hamının yanıldığını sübut etməyə və qızın itkin düşməsi ilə bağlı bu sirri nəyin bahasına olursa-olsun açmağa qərar verir. Qarşıda onu gözlənilməz hadisələr və qəribə təsadüflər gözləyir.

1989-cu ildə ABŞ-da istehsal olunmuş «Harri Kramb kimdir?» filminin rejissoru Pol Flaertidir. Komediya janrındakı bu filmdə Mişel Qucer, Beverli Elliott, Tino İnsana və Reni Koulmen kimi aktyorlar çəkiliblər.