Yad diyar

Parker ailəsi Avstraliyanın quraq səhralıqları arasında yerləşən balaca bir qəsəbəyə köçür. Gecə vaxtı onların yeniyetmə qızı və oğlu evdən çıxaraq izsiz-tozsuz yoxa çıxır. Ketrin və Metyu uşaqlarını tapmaq üçün bütün vasitələrə əl atırlar.

Axtarışlar dərinləşdikcə valideynlər vaxtilə uzaqlaşmağa çalışdıqları keçmişləri ilə üzləşməli olurlar. Həqiqətə çatmaq və övladlarının aqibətini öyrənmək üçün onlar illərdir gizlətdikləri sirr və problemləri yenidən xatırlayırlar.

«Strangerland» adlı dramatik triller 2014-cü ildə rejissor Kim Farrant tərəfindən çəkilib. Avstraliya və İrlandiya istehsalı olan ekran əsərində baş rolları Maddison Braun, Martin Dinql Uoll, Hyoqo Uivinq və Bronvin Penrit canlandırır.