Dekoder

F.M. adlı gənc oğlan qəribə səs təcrübələri ilə vaxt keçirir, onun rəfiqəsi Kristiana isə pip-şouda çalışır və qurbağalara xüsusi maraq göstərir. Günlərin birində F.M. yerli fastfud şəbəkəsində insan şüurunu idarə edən və onları zombiləşdirən "Muzak" melodiyalarından istifadə edildiyini aşkar edir və buna mane olmağa qərar verir.

Yuxusunda gördüyü qoca adam gəncə axtarışlar üçün düzgün istiqamət göstərir. Bundan sonra F.M. gizli fəaliyyət göstərən informasiya piratları ilə əlaqə qurur və onlar gəncin mübarizəsinə qoşulurlar. Lakin korporasiya rəhbərliyi onun planlarını pozmaq üçün Yager adlı xüsusi agenti F.M.-in arxasınca göndərir.

Detektiv, fantastika və qorxu janrlarını birləşdirən "Decoder" filmi 1984-cü ildə Qərbi Almaniyada rejissor Muşa tərəfindən çəkilib. Ekran əsərinin baş rollarında Ditrix Kulbrodt, Mattias Fuks, Siq Frolic və Aleksandr Hake çıxış edir.