Xəyanətə uğrayanlar

Avtomobil qəzasından sonra gözlərini açan Ceyn özünü soyuq və qaranlıq bir otaqda tapır. Onun azyaşlı oğlu da naməlum şəxslər tərəfindən girov götürülüb. Tələyə düşən qadın heç nədən xəbərsiz halda oğurlanıb və bu vəziyyətdən çıxış yolu axtarmalı olur.

Cinayətkarlar Ceynin illərdir bir yerdə yaşadığı ərinin əslində tamam başqa bir insan olduğunu iddia edirlər. Onların sözlərinə görə, əri heroin satıcılarına işləyir və öz rəhbərinə qırx milyon dollar məbləğində böyük bir borcu var.

ABŞ istehsalı olan «The Betrayed» filmi 2008-ci ildə nümayiş etdirilib. Qanqster və detektiv janrındakı bu gərgin filmin rejissoru Amanda Qusakdır, əsas rollarda isə Bleyn Anderson, Kevan Kase, Skott Heyndl və Elis Kriqe çəkiliblər.