Yatmış gözəl

Tələbə Lüsi qəzetdə rast gəldiyi qəribə elan vasitəsilə qapalı fəaliyyət göstərən şəxsi kluba işə düzəlir. Onun vəzifəsi qeyri-adi şərtlərdən ibarətdir. Gənc qadını güclü yuxu gətirici dərmanların təsiri altına salaraq xüsusi otaqda saxlayırlar və zəngin müştərilərin ixtiyarına verirlər.

Kişi qonaqlar yuxuda olan Lüsi ilə istədikləri kimi davranmaq hüququ qazanırlar. Səhər açılanda isə o, gecə baş verənlər barədə heç nə xatırlamır. Vaxt keçdikcə tamamilə yaddaşından silinən həmin saatlarda başına nələrin gəldiyini anlamaq arzusu qadında getdikcə güclənir.

Avstraliya istehsalı olan «Yatmış gözəl» filmi 2011-ci ildə nümayiş olunub. Ekran əsərinin quruluşçu rejissoru Culiya Lidir. Əsas obrazları Ceyms Frayzer, Loren Orrel, Les Çenteri və Ceymi Timoni canlandırıb.