Tək bir ipucu olmadan

Əslində dahi xəfiyyə Şerlok Holms heç vaxt mövcud olmayıb. Doqquz il əvvəl həkim Uotson pasiyenti olan Skotland Yard müfəttişinə dolaşıq bir qətlin üstünü açmağa kömək edir. Həmin vaxt tibb kollecində işə düzəlmək istəyən həkim nüfuzuna xələl gəlməsin deyə, bütün uğuru uydurduğu xəyali dedektivin adına çıxır. O vaxtdan etibarən polis daima kömək istəyir, Uotson isə cinayətləri təkbaşına həll edib «Strend» jurnalında hekayələr dərc etdirir.

Oxucular canlı Holmsu tələb etməyə başlayanda həkim vəziyyətdən çıxış yolu axtarmalı olur. O, böyük xəfiyyə obrazını canlandırmaq üçün işsiz aktyor Recinald Kinkeydi işə götürür və özü onun kölgəsində qalır. Lakin seçilən aktyor nəinki deduktiv təfəkkürdən məhrumdur, həm də qadın düşkünü, sərxoş və təşəxxüslü bir kütbeyindir.

Böyük Britaniya istehsalı olan «Without a Clue» komediya və cinayət filmi 1988-ci ildə ekranlara çıxıb. Ekran əsərinin rejissoru Tom Eberhardt, baş rol ifaçıları isə Kliv Mantl, Endi Bredford, Harold İnnosent və Tim Killikdir.