Qütb dairəsinin aşiqləri

Otto və Ananın yolları hələ uşaq ikən valideynlərinin bir araya gəlib eyni evdə yaşamaq qərarı ilə kəsişir. Birlikdə böyüyən bu iki gənc zaman keçdikcə bir-birinə bağlanır. Uşaqlıq dostluğu tədricən güclü bir məhəbbət hissinə çevrilir.

Lakin doğma anasının vəfatı Ottonun dünyasını alt-üst edir və o, Ananı tərk etməyə qərar verir. Həyatını tamamilə dəyişən gənc aviasiya sahəsinə üz tutur. O, təyyarəçi peşəsinə yiyələnərək qütb dairəsinin soyuq səmalarına uçuşlar həyata keçirməyə başlayır.

İspaniya və Fransanın ortaq istehsalı olan «Qütb dairəsinin aşiqləri» filmi 1998-ci ildə rejissor Xulio Medem tərəfindən çəkilib. Ekran əsərinin əsas rollarında Nayva Nimri, Pep Munne, Yoost Zidxof və Maru Valdivyelso çıxış edir.