Amnesiac

Ağır qəzadan sonra yataqda gözlərini açan kişi keçmişinə dair hər şeyi unutduğunu başa düşür. Yanındakı qadın ona qayğı göstərərək həyat yoldaşı olduğunu iddia edir. Lakin evin ab-havası və baş verənlər getdikcə daha da şübhəli görünməyə başlayır.

Zaman keçdikcə qəhrəman bu qadının həqiqi həyat yoldaşı olmadığı qənaətinə gəlir. O, bütün evin yalan toruna büründüyünü və özünün əslində dustağa çevrildiyini anlayır. Qaranlıq sirlər üzə çıxdıqca vəziyyət daha da gərginləşir.

ABŞ istehsalı olan «Amnesiac» filmi 2014-cü ildə rejissor Maykl Poliş tərəfindən çəkilib. Triller və dram janrındakı ekran əsərində baş rolları Keyt Bosvort, Riçard Rili, Oliviya Rouz Kiqən və Adam Morito ifa ediblər.