Devil's Due

Bal ayı səyahəti zamanı baş verən qəribə bir gecədən sonra gənc cütlük gözlənilməz hamiləlik xəbəri alır. Qadının bədənində və davranışlarında yaşanan ilk dəyişikliklər əvvəlcə adi görünsə də, vəziyyət tezliklə qeyri-adi şəkil alır.

Həyat yoldaşının hərəkətlərindəki qorxulu halları müşahidə edən ər əvvəlcə bunu gərginlik və stresslə əlaqələndirir. Lakin zaman keçdikcə qadının həm fiziki, həm də psixoloji durumundakı dəhşətli çevrilmələrin qaranlıq və bədnam bir mənbədən qaynaqlandığı üzə çıxır.

ABŞ istehsalı olan «Devil's Due» qorxu və detektiv filmi 2014-cü ildə ekranlara çıxıb. Layihənin rejissorluğunu Mett Bettinelli-Olpin və Tayler Cillet həyata keçirib, əsas rolları isə Ellison Miller, Steysi Devis, Rocer Peyano və Enni Caya canlandırıb.