The Bunker Game

Bir qrup gənc qeyri-adi bir kostyumlu rol oyunu təşkil etmək qərarına gəlir. Tədbir üçün qədim və qaranlıq keçmişi olan tərk edilmiş bir bunker seçilir. Bu məkanda Roma dövründə yeraltı tanrı Soranusun məbədi yerləşib, müharibə illərində isə nasistlər sığınacaq kimi istifadə edib. İştirakçılar Dördüncü Reyx və genetik sınaqlardan bəhs edən sağ qalma oyununa hazırlaşırlar.

Lakin əyləncə məqsədilə qurulan ssenari tezliklə gerçəkliyə çevrilir. Qaranlıq tunellərdə gizlənən həqiqi və qədim bir şər qüvvə oyanaraq personajları qorxulu sınaqla üz-üzə qoyur. "The Bunker Game" filminin qəhrəmanları yeraltı sərdabənin gizlətdiyi dəhşətlə qarşılaşırlar.

Fransa və İtaliyanın birgə istehsalı olan bu qorxu və detektiv filmi 2021-ci ildə ekranlara çıxıb. Ekran əsərinin rejissoru Roberto Zazzaradır. Əsas rolları Felise Yankell, Tudor İstodor, Mark Rayder və Lorentso Rikelmi canlandırıb.