Borli Rahibəsinin Ruhları

1937-ci ildə bir keşiş həyat yoldaşı ilə birlikdə yerli kilsədə xidmət etmək üçün Borli kəndinə gəlir. Sakit bir həyat arzulayan cütlük onlar üçün ayrılmış evdə gözlənilməz hadisələrlə üzləşir. Naməlum səslər, qorxulu görüntülər və lənətdən bəhs edən bir rahibənin ruhu onların gündəlik həyatını dözülməz hala gətirir.

Evdə baş verən qəribəliklər haqqında xəbərlər tezliklə Harri Praysın diqqətini çəkir. O biri dünyanın mövcudluğunu sübut etmək istəyən araşdırmaçı bu fürsəti qaçırmamaq üçün həmin məkanda məskunlaşmağa qərar verir. Lakin sirli hadisələri öyrənməyə çalışan tədqiqatçı təsəvvür etdiyindən daha qaranlıq bir mühitlə qarşılaşır.

Böyük Britaniya istehsalı olan «The Ghosts of Borley Rectory» filmi 2021-ci ildə rejissor Stiven M. Smit tərəfindən çəkilib. Triller və qorxu janrındakı ekran əsərində əsas rolları Culian Sends, Kristofer Ellison, Luiza Uorren və Toya Uillkoks canlandırıblar.